|
PCPI - Programas de Cualificación Profesional Inicial Os programas de cualificación profesional inicial (PCPI) teñen como finalidade favorecer a inserción social, educativa e laboral das mozas e mozos. Diríxense ao alumnado maior de dezaseis anos que non obtivese o título de graduado en educación secundaria obrigatoria e, excepcionalmente ao alumnado maior de quince anos. Teñen tres tipos de módulos: - Específicos, que desenvolven as competencias do perfil profesional.
- Formativos de carácter xeral, que posibiliten o desenvolvemento das competencias básicas e favorezan a transición desde o sistema educativo ao mundo laboral.
- Voluntarios, que conducen á obtención do título de graduado en educación secundaria obrigatoria.
O alumnado que supere os módulos específicos e os formativos de carácter xeral obterá un certificado de profesionalidade de nivel 1 do Catálogo Nacional de Cualificacións Profesionais. O que supere, ademais, os módulos voluntarios obterá tamén o título de graduado en educación secundaria obrigatoria. No IES A Carballeira impártese o PCPI de informática. Podes consultar aquí os módulos dos que se compón e de toda a información relevante sobre este tipo de estudos: Currículo do PCPI de Informática. Máis información (na páxina web da Consellería de Educación)
|
PCPI 
